Hitzarmenak eta ikerketa
Parkinson Bizkaia Elkartea – ASPARBI
Ikerketa
ASPARBI, agente aktiboa ikerketa medikoan
Ikasketak
Disfagiari buruzko azterketa Parkinsonean
Gaur egun, ASPARBI disfagia orofaringeoari buruz egin den ikerketa handienean murgilduta dago, eta disfagia hori da, hain zuzen ere, parkinsona duten pazienteen heriotza-kausa nagusietako bat.
ASPARBIko 215 bazkidek parte hartu dute gure logopedek egindako ebaluazioan, eta Otorrinolaringologiako espezialista batengana bidali dituzte.
Lan honen helburua Parkinson gaixotasunean irensteko arazoak identifikatu eta aztertzea da, euskal ospitaleetako Neurologiako kontsultetara joaten diren pazienteen historia klinikoan ager dadin eta logopedek eta otorrinoek tratamendu zehatza jaso dezaten.
ASPARBIrekin lankidetzan dihardute Basurtuko Unibertsitate Ospitaleko Neurologia eta Otorrinolaringologia Zerbitzuek.
Zure zain
Ikerketetan parte hartzea
ASPARBIk ikerketa ugaritan hartu du parte bere ibilbidean, Bizkaiko ospitaleekin, Deustuko Unibertsitatearekin eta Euskal Herriko Unibertsitatearekin (EHU) lankidetzan.
Nocturnal hypertension and dysautonomia in patients with Parkinson’s disease: are they related?
Egileak: Koldo Berganzo, Begoña Díez Arrola, Beatriz Tijero, Johanne Somme, Elena Lezcano, Verónica Llorens, Iratxe Ugarriza, Roberto Ciordia, J.C. Gómez Esteban y Juan J. Zarranz
Argitaratuta: Journal of Neurology
Begoña Diez Arriola ASPARBIko lehendakariak ere parte hartu zuen ikerketa horretan. Aldaketa bat erregistratzen du, eta, horren ondorioz, pazienteek tentsio arterialaren diserregulazioa izaten dute; hala, gauez, jaitsi beharrean, igo egiten da, pertsona osasuntsuetan ohikoa den bezala.
Impact of psychiatric symptoms and sleep disorders on the quality of life of patients with Parkinson’s disease
Egileak: Koldo Berganzo, Begoña Diez Arrola, Beatriz Tijero, Johanne Somme, Elena Lezcano, Verónica Llorens, Iratxe Ugarriza, Roberto Ciordia, J.C. Gómez Esteban y Juan J. Zarranz
Argitaratuta: Journal of Neurology
Bere osotasunean ASPARBIn egindako lana. Parkinsona duten gaixoen bizi-kalitatea okertzen duten bi faktore garrantzitsuenak gaizki lo egitea eta depresioa direla aztertzen du , egoera motorraren gainetik.
The source of the memory impairment in Parkinson's disease: acquisition versus retrieval
Egileak: Nancy D Chiaravalloti, Naroa Ibarretxe Bilbao, John De Luca, Olga Rusu, Javier Peña, Inés García Gorostiaga eta Natalia Ojeda
Argitaratuta: ‘Movement Disorders’
Memoria-defizitak ohikoak dira Parkinson gaixotasuna duten pertsonetan, eta pentsatu ohi da ez direla gai epe luzeko oroimenaren informazioa berreskuratzeko. Ikerketa honek, aldiz, oroimen-defizit horren emaitza informazio berria ikasteko zailtasuna dela ikusten du. Hau da, ikasketa prozesuan denbora gehiago behar izan arren, hau modu egokian egiten bada, oroitzapen gaitasunean ez du eraginik izango. Aurkikuntza hori lehen urratsa da parkinsona duten pertsonen oroimenerako tratamendua gidatzeko eta terapia berriak identifikatzeko.
Neuroanatomical Correlates of Theory of Mind Deficit in Parkinson Disease: A Multimodal Imaging Study
Egileak: María Díez-Cirarda, Natalia Ojeda, Javier Peña, Alberto Cabrera Zubizarreta, María Ángeles Gómez-Beldarrain, Juan Carlos Gómez-Esteban eta Naroa Ibarretxe Bilbao
Argitaratuta: Bellvitge Biomedical Research-IDIBELL
Burmuinaren oinarriak aztertzen ditu ‘Gogamenaren Teoria’ funtzio kognitiboaren erresonantzia magnetikoaren bidez, normalean enpatia esaten zaiona, jakiteko zer garun-eremu dauden inplikatuta eta zein arduratzen diren funtzio horretaz. Halaber, funtzio exekutiboek —hala nola arrazoitze sozialak— “Gogoaren Teoria” behar bezala gauzatzeko duten zeregina ikertzen du, eta eragin hori garunean islatzen den ala ez. Emaitzek erakusten dutenez, enpatiaren narriadurak zerikusia du lobulu frontal eta parietaleko garuneko eremuen narriadurarekin.
Parkinsona duten pertsonen ahotsaren aldaera akustikoei eta patroi pneumofonikoei buruzko azterketa
Lan honen burua Unai Pequeño Pequeño da. Errehabilitazio logopedikoa jasotzen ari diren edo ez diren Parkinson gaixotasuna duten 200 pertsonari eta haien kontrol-taldeei egiten zaie.
Helburua da, batetik, ahotsaren zer ezaugarri akustikok jasaten duten afekzio handiena detektatzea, eta, bestetik, gaixotasunak aurrera egin ahala zer bilakaera izaten duen. Beste alde batetik, aldatutako parametroetan eragin handiena, kalitateari eta iraupenari dagokienez, zein metodo errehabilitatzailek duen baloratzen da. Hala, Parkinson gaixotasunean ebaluazio logopedikoa egiteko protokolo espezifikoak egiteko informazioa lortzen da.
EHUko Aho eta Aurpegi Masailetako Patologia Unitatearekin eta Aho Medikuntzako Unitatearekin egindako azterketa
Improving functional disability and cognition in Parkinson disease: randomized controlled trial
Argitaratuta: American Academy of Neurology
Parkinson gaixotasunean errehabilitazio neuropsikologikoaren eraginkortasuna frogatzen du REHACOP errehabilitazio kognitiboko programaren bidez. Azterketa honen ondorio nagusia da pazienteek hobeto ikus ditzaketela bai funtzio kognitiboak, bai informazio mentala prozesatzeko memoria edo abiadura, bai eguneroko zereginak egiteko gaitasuna. Oso alderdi interesgarria da emaitzak ez direla soilik proba objektiboen bidez nabarmendu; gainera, errehabilitazio-programan parte hartu duten pazienteek berek diotenez, hobekuntza nabarmena sumatu dute beren egunerokotasunean.
Verbal Memory in Parkinson's Disease: a Combined DTI and fMRI Study
Egileak: Olaia Lucas-Jimenez, Maria Díez-Cirarda, Natalia Ojeda, Javier Peña, Alberto Cabrera Zubizarreta eta Naroa Ibarretxe Bilbao
Argitaratuta: Journal of Parkinson’s Disease
Harreman hori modu multimodal batean ikertzeko, neuroirudi-teknika batzuk eta proba neuropsikologikoak konbinatzen dituzten ikerketa bakanetako bat da. Ikerketa honetarako, ASPARBIko bazkideak Galdakaoko Ospitalera joan ziren erresonantzia magnetiko bat egitera. Ondoren, hitz zerrenda luzeago baten barruan ikusitako hitzak ezagutu behar zituzten. Emaitzek erakutsi zutenez, Parkinson gaixotasunean hitzezko oroimenean dauden gabeziak garunaren aktibazioan gertatzen diren aldaketekin batera gertatzen dira, baina garuneko alterazio estrukturalekin ere zerikusia dute.
Ibilaldi nordikoak (Nordic walking) Parkinsona duten pertsonengan dituen onurei buruzko azterketa
200 bazkiderekin Helburua da kirol honek egonkortasuna, bertikaltasuna eta brakeoa nola hobetzen dituen ikustea. Horretarako, Nordic Walking-ari buruzko bi ikastaro egiten dira, bata hasierakoa eta bestea jarraitasunekoa, eta kaltetuaren egoera fisikoaren balorazioa egiten da ‘Parkinsona duten pertsonentzako martxa nordikoaren eskala’ erabiliz.
Alderdi hauek ebaluatzen dira: miaketa, gaitasun funtzionala, konplikazioak eta aisia eta bizitza soziala, pazienteen aurrerapenak aztertu ahal izateko.
