Herri onura eta gizarte interesa

ASPARBI 1994an jaio zen Bilbon. AS/B/04347/1994 zenbakiarekin erregistratuta dago Euskal Autonomia Erkidegoko Elkarteen Erregistro Orokorrean. Herri Onurako izaera eman zitzaion 2011ko irailaren 27ko 202/2011 Dekretuaren bidez (2011ko urriaren 4ko EHAA), eta Gizarte Intereseko Izaera eman zitzaion ekainaren 24ko 125/2014 Dekretuaren bidez (2014ko uztailaren 7ko EHAA).

ASPARBI Parkinson Bizkaia Elkartearen gobernua eta administrazioa honako organo hauen ardurapean daude:

• Bazkideen Batzar Orokorra, organo goren gisa. Bazkide guztiek osatzen dute, eta bazkideen borondatea adierazteko organoa da.
• Zuzendaritza Batzordea, kide anitzeko zuzendaritza-organo iraunkorra. ASPARBI Bizkaiko Parkinson Elkartearen interesak kudeatu, gobernatu eta ordezkatzen ditu, Batzar Nagusiaren xedapen eta gidalerroen arabera.

ASPARBI Espainiako Parkinson Federazioren (FEP) parte da.